  jaane vaalon zaraa, mud ke dekho mujhe
ek insaan hoon main tumhaari tarah
jaane vaalon zaraa, mud ke dekho mujhe
ek insaan hoon main tumhaari tarah
jisane sabako rachaa, apane hi roop se
usaki pahachaan hoon main tumhaari tarah
jaane vaalon zaraa ...
is anokhe jagat ki main taqadeer hoon -2
main vidhaataa ke haathon ki tasaveer hoon
ek tasaveer hoon
is jahaan ke liye, dharati maan ke liye
shiv kaa varadaan hoon, main tumhaari tarah
jaane vaalon zaraa...
man ke andar chhipaae milan ki lagan -2
apane suraj se hoon ek bichhadi kiran
ek bichhadi kiran
phir rahaa hoon bhatakataa, main yahaan se vahaan
aur pareshaan hoon, main tumhaari tarah
jaane vaalon zaraa...
mere paas aao chhodo yah saaraa bharam -2
jo meraa dukh vahi hai tumhaaraa bhi Gham
hai tumhaaraa bhi Gham
dekhataa hoon tumhein, jaanataa hoon tumhein
laakh anjaan hoon, main tumhaari tarah
jaane vaalon zaraa...
-- Contributed by raviraj
-- April 02, 2004 |
